TIRANE - Debati i nxehtë në Parlament nxorri në sipërfaqe atë që përflitej prej kohësh si plan i PD-së dhe liderit për të përdorur administratën për votën e 23 qershorit.<br /><br />Sot në seancën parlamentare, ministrja e Inovacionit, Milena Harito ka zbardhur e-mailin e Sali Berishës drejtuar administratës shtetërore një ditë para zgjedhjeve të 23 qershorit.<br /><br />Në seancë ka pasur edhe replika të ashpra edhe mes ministrit të Mirëqënies Sociale Erjon Veliaj dhe ministrit të Brendshëm Saimir Tahiri me deputetin e PD-së.<br /><br />"Meqënëse ne i kemi në dorë të gjitha të dhënat zyrtare po ju lexoj një mesazh të këtij zotërisë parafolës shumë interesant, që e kemi gjetur në kompjuterat e tij. Mesazh tejet i rëndësishëm zotrinj ministra dhe titullarë të institucionit në varësi duhet të rifreskoni porositë për administratën tuaj nëpërmjet koordinatorëve në Tiranë për: 1-Dërgoni deri pasnesër në darkë(bëhet fjalë para 23 qershorit) votat e sigurta të çdo punonjësi tuaji. <br />2-Tju kërkoni të votojnë bashkë me familjarët dhe personat që ata kanë marrë përsipër deri në orën 11:00.<br />3-Cdo vëzhgues në qendër votimi të pajiset me listën e administratës votues, koordinatorët që nuk janë komisionerë vëzhgues të jenë prezent tek shtabi i zonës gjatë ditës së votimit. Përshëndetje, Kryeministri Sali Berisha."- thuhej në mesazhin që lexoi Harito në seancë.<br /><br />Ndërsa ish-kryeministri Berisha ka akuzuar qeverinë Rama-Meta për rritje të kriminalitetit dhe pasigurisë në vend.<br /><br />Në fjalën e tij në foltoren e Kuvendit, Berisha u ndal edhe tek prishja në ndërtimeve pa leje në zonën bregdetare në Himarë.<br /> <br />"Shkon në Himarë, terrorizon një fshat të tërë. Sollën punësimet e bijëve të tyre ku i kanë e ku si kanë, e shkon në Laç, dhe në parime tërësisht klasore minon dhe shkatërron ndërtime me leje. Ky është një mekaniznëm, Shqipëria nën thumbën e krimit, e tritolit, e maskave që vjedhin dhe e trafiqeve. Çfarë bëtë me ardhjen në pushtet, kapitulluat shtetin, sot krimi është ulur këmbëkryr në çdo skaj të vendit.<br /><br />Në seancën e sotme Kuvendi i Shqipërisë diskuton projektligjin për "Sigurinë dhe shëndetin në punë", ndërsa pritet të diskutohen disa çështje të rëndësishme, si dhe një interpelancë me ministrin Bushati në Parlament lidhur më çështjen "Radika".
