TIRANË- Ministria e Punëve të Jashtme ka ngritur kallëzim penal për ish-konsullen shqiptare në Milano, Nausika Spahia. Shkak për këtë janë bërë abuzimet e mëdha financiare me lidhjen e një kontrate të paligjshme telefonike, në kurriz të emigrantëve, duke u ofruar atyre shërbime konsullore me pagesë, që në fakt duhet të ishin falas. Sipas informacioneve emigrantët shqiptarë në Milano, kanë paguar një shërbim të paligjshmëm telefonik, me të cilin ish-konsullja kishte lidhur një kontratë të paligjshme me subjekt tregtar në Itali, "Inter Call conacet center sh.p.k.". <br /><br />BALLA: SPAHIA KA SHKELUR TË DREJTAT THEMELORE TË SHQIPTARËVE JASHTË VENDIT<br /><br />Tridhjetë minuta, pas bërjes publik të lajmit për abuzimet e ish-konulles Spahija, nënkryetari i Grupit Parlamentar të PS-së, Taulant Balla ka zbardhur abuzimin.Sipas informacioneve të dhëna nga Balla, Spahia duke përfituar nga detyra ka lidhur një kontratë me një subjekt tregtar telefonik jashtë autorizimit nga organet kopetente. <br /><br />"Nga dokumentacioni, i cili gjendet i administruar në Konsullatën e Përgjithshme të RSH-së në Milano dhe arkivin e MPJ-së rezulton që për lidhjen e kontratës me datë 02.03.2012, midis znj. Nausika Spahia në cilësinë e Konsulles së Përgjithshme të RSH-së në Milano dhe subjektit tregtar "Inter Call contact center sh.p.k", ish-Konsullja e Përgjithshme në Milano nuk ka gëzuar asnjë tagër dhe nuk ka marrë asnjë autorizim nga organet kompetente", ka sqaruar Balla referuar një dokumenti të Ministrisë së Punëve të Jashtme.<br /><br />Sipas Ballës, akuzat që rëndojnë mbi ish-konsullen Spahia janë: shpërdorim detyre, vjedhje e pasurisë shtetërore, fshehje e të dhënave dhe gjurmëve të veprës penale dhe pabarazia në tendera apo ankande publike. <br /><br />Balla vë në dukje se Spahia ka shekelur të drejtat themelore të shqiptarëve jashtë territorit që garantohen me Kushtetutë.<br /><br />"Ish-Konsullja e Përgjithshme duke tejkaluar çdo kompetencë që i njeh ligji vendos veton e saj dhe lidh një kontratë e cila përveçse është në kundërshtim të hapur me aktet ligjore dhe nënligjore, përveçse është në kundërshtim të hapur me Kodin e Procedurave Administrative bie ndesh me të drejtën themelore të shtetasve shqiptarë atë që me Kushtetutë iu garantohet mbrojtja e interesave të tyre jashtë territorit të RSH-së", reagon nënkryetari. <br /><br />Konsullja e pergjithshme në Milano ishte e shkarkuara e parë e qeverisë Rama . Në vitin 2005 Spahia ka ushtruar detyrën e këshilltares politike të ish-kryeministrit Berisha , në vitin 2009 me vendim të Berishës u emerua konsulle e Përgjithshme në Milano ku shërbeu për 4 vjet rrjesht.
