TIRANE- Zjarri që ra mbrëmjen e djeshme në burgun e Rrogozhinës është i qëllimshëm. Policia e Kavajës ka rrëzuar pretendimin e parë të Drejtorisë së Përgjitshme të Burgjeve që zjarri mund të ishte aksidental nga një cigare. <br /><br />Sipas policisë së Kavajës, nga këqyrja e kamerave rezulton se zjarrëvënësit në qelitë e burgut janë dy të dënuarit Ledion Gjoka dhe Jurgen Muçelliu. <br /><br />Të njëjtat burime siguruan se nuk kemi të bëjmë me një tentativë arratisjeje, por më tepër me një shfryrje inati pas një zënke.<br /><br />Si pasojë e zjarrit u plagosën dhe u lënduan mbi 35 të dënuar dhe të paraburgosur, nga të cilët 3 u dërguan për ndihmë të specializuar mjekësore në repartin e Djegie plastikës në Qendrën Spitalore Nënë Tereza në Tiranë.<br /><br />NE QSUT 3 TE BURGOSUR<br />50-vjeçari Arjan Habibaj ndodhet në spitalin e djegieve në QSUT, ku gjatë natës janë dërguar edhe 2 të dënuar të tjerë, Ilir Ndoni 26 vjeç, si edhe një 25-vjeçar i dënuar i cili nuk është regjistruar për shkak të qëndrimit të pakët të tij, pasi nuk kishte dëmtime serioze. Në spitalin e Rrogozhinës janë trajtuar me ndihmën e parë, dhe më pas janë larguar 20 të dënuar, ndërsa në spitalin e Kavajës, deri në mesditën e sotme vijonin të trajtoheshin me mjekim 17 të bugosur. <br /><br />ORA 11:00 ZJARRI NE BURGUN E RROGOZHINS, SHKAK NJE CIGARE<br />Një cigare e harruar ndezur nga një prej të dënuarve dyshohet se është shkaku i zjarrit që mbrëmjen e djeshme përfshiu burgun e Rrogozhinës<br /><br />Dyshohet se zjarri ka rënë në qelinë e të burgosurit Arjan Habibaj, i cili pritej të lirohej nga burgu në 14 shkurt të këtij viti. <br /><br />Burime nga A1 Report thanë se fillimisht flakët kanë përfshirë dyshekun prej sfungjeri të shtratit të tij.<br /> <br />50-vjeçari nga Fieri është edhe personi që është më rëndë nga 12 të dënuarit që pësuan plagë nga djegiet dhe patën probleme serioze respiratore.<br /><br />Ai ndodhet në spitalin e djegieve në QSUT, ku gjatë natës janë dërguar edhe 2 të dënuar të tjerë, Ilir Ndoni 26 vjeç, si edhe një 25-vjeçar i dënuar i cili nuk është regjistruar për shkak të qëndrimit të pakët të tij, pasi nuk kishte dëmtime serioze. <br /><br />Zjarri mbrëmë në burgun e Rrogozhinës dëmtoi dy qeli, ndërkohë sipas burimeve të A1Report janë transferuar mbi 100 të dënuar, por shifra ende nuk është konfirmuar nga Drejtoria e Përgjithshme e Burgjeve e cila jep informacione të rezervuara.
