LEZHË - Strehoi në banesën e tij Ilir Kupën kur ishte në arrati, është vënë në pranga një prej miqve të të arrestuarit. Agron Zef Picakut nga Perlati i Mirditës, 37 vjeç i janë vënë prangat në banesën e tij në Lezhë. Arrestimi është bërë gjatë mbrëmjes së djeshme.<br /> <br />Burime nga policia e Lezhës, kanë bërë të ditur se, gjatë marrjes në pyetje, Ilir Kupa ka deklaruar se, 37-vjeçari Picaku kishte qenë personi që e kishte marrë me makinë në kufi dhe më pas e ka strehuar për dy javë.<br /> <br />Në deponimet e Ilir Kupës mësohet se, Agron Picaku e ka shoqëruar të arratisurin nëpër Shqipëri ndërsa më pas është larguar nga banesa e 37-vjeçarit në fshatin Spite të Lezhës, por me origjinë nga Perlati i Mirditës.<br /> <br />Njohja mes Picakut dhe Kupës kanë qenë në Greqi, pasi të dy kanë jetuar në një zonë dhe kanë punuar bashkë. Mësohet se, 37-vjeçari Agron Picaku ka një javë që është kthyer nga Greqia në Lezhë.<br /> <br />ARRATISJA E KUPËS DHE AKUZAT QË RËNDOJNË MBI TË<br />Ilir Kupa është arratisur nga burgu i Trikalasë më 23 mars 2013, bashkë me 10 shqiptarë të tjerë. Arratisja u mundësua nga Flamur Sinani që ishte personi kyç. Rojet u morën peng dhe shqiptarët mundën të arratiseshin.<br /> <br />Më 30 mars 2013, grekja 25-vjeçare Katerina Zogali, u qëllua me armë, gjatë shkëmbimit të zjarrit të Marian Kolës dhe të arratisurve të tjerë me policinë, teksa makinat ishin në ndjekje e sipër.<br /> <br />Në muajin maj të vitit 2013, Ilir Kupa dhe Marian Kola ishin gjithashtu përgjegjës për marrjen e 1.000.000 eurove nga një bankë greke. Gjithsej ata kanë qenë të lidhur me 69 plaçkitje.<br /> <br />Gjatë qershorit, Klement Cala mbajti peng disa banorë në një fshat dhe grabiti një market, duke kryer një plagosje. Pesë protagonistët e ngjarjes janë pjesë e të arratisurve nga burgu i Trikallasë.<br /> <br />Në 17 qershor 2013, punonjësi i policisë, 37-vjeçari Jorgo Andritsopulu, u vra në Greqi, në vendin e quajtur Distomu, ku u akuzua Marian Kola dhe Ilir Kupa, por që ende policia po heton.<br /><br />Më 2 korrik, policia qëlloi dhe vrau një tjetër të arratisur. Policia e identifikoi personin e parë me anë të shenjave të gishtërinjve, si Edison Lika, 25 vjeç. Tjetri ishte xhaxhai i tij Kujtim Lika.<br /><br />Gushtin e 2013-ës u panë për herë të fundit gjurmë të Kupës në Greqi. Prej asaj kohe kohe, dyshohet se kaloi në Shqipëri, ku u kap më 25 Janar 2014.
