FIER- Regjistrimi i pronave të paluajtshme dhe shpronësimi i pronarëve, në tokat ku do të kalojë autostrada e Fierit, është bërë problem për ndërtimin e kësaj të fundit.<br /><br />Në një mbledhje të përbashkët mes përfaqësuesve të Prefekturës, Drejtorisë së Rrugëve, kryetarët e komunave të qarkut Fier etj., është diskutuar propozim-vendimi për shpronësimin e pronave të paluajtshme për nevoja të ndërtimit të autostradës të 'by-pass'-it të Fierit.<br /><br />Prioritet kryesor, në bazë të diskutimeve, është fillimi i realizimit të projektit të autostradës, ndërkohë që janë evidentuar një sërë problemesh të ngritura nga përfaqësuesit vendorë.<br /><br />Janë 900 prona të paluajtshme ku do të kalojë autostrada, por nga to rezultojnë të regjistruara vetëm 500.<br /><br />Kryetarët e komunave kanë kërkuar të rishikohet edhe njëherë çmimi i tokës, pasi sipas tyre fermerët kanë shprehur pakënaqësi për shpronësimet në segmentin, ku kalon autostrada.<br /><br />Prefekti i qarkut Fier, Xhevit Bushaj ka pohuar se, "nëse fillohet që tani me shpronësimet, shumë shpejt do të nisin punimet", duke shtuar se "do të bëhet e pamundur tu jepet zgjidhje problemeve".<br /><br />'By-pass'-i i Fierit do të jetë i gjatë 22 km dhe do të lidhë autostradën Lushnjë --Fier me Levan-Vlorë. Ndërtimi i tij do të bëhet nga kompania italiane "Serenissima".
