VLORË- Prej gati tre vitesh, mamografia në spitalin rajonal të Vlorës është jashtë funksionit, kjo për arsye se mungojnë filmat dixhitalë që nevojiten për kryerjen e vizitave.<br /><br />Sipas mjekut radiolog, Egli Veliu ka rreth 1200 pacientë në qytetin e Vlorës, që vijnë për të kryer vizita gjatë një periudhe një vjeçare.<br /> <br />Sipas Veliut nevojitjen rreth 5 000 filma dixhitalë në vit, gjë që prej më shumë se tre vitesh nuk është mundësuar.<br /><br />"Ky është një problem serioz, pasi në qytetin e Vlorës shkojnë për të kryer vizitë rreth katër gra në ditë. Por kjo gjë nuk mund të realizohet, pasi mungojnë filmat që vihet në punë aparatura emamografisë".<br /> <br />Mjeku radiolog shpjegon se "gratë janë të detyruara, që mamografinë ta bëjnë në Tiranë".<br /><br />Ai bëri të ditur se ky shqetësim është paraqitur edhe në Drejtorinë e Spitalit Rajonal të Vlorës.<br /><br />"Mbetet që të zgjidhet në mënyrë të shpejtë ky problem, pasi përbën rrezik serioz për jetën e pacienteve, të cilat nuk kanë mundësi për të kryer këtë ekzaminim", thekson Veliu.<br />Mamografia në spitalin e Vlorës ka mbërritur që prej vitit 2008, por ajo punoi vetëm për disa vite.
