Për kompozitorin Agim Krajka, Vaçe Zela është e pazëvendësueshme.<br /><br />"Vaçe Zela të emociononte, ishte një artiste në çdo qelizë të trupit të saj. Është humbje tmerrësisht e madhe, pavarësisht se ka vite që nuk i jep këtij populli se në dorën e Zotit jemi të gjithë, ishte sëmurë. Por ndryshe është të jesh gjallë, ndryshe të mos jetosh më. Ajo ishte e pazëvendësueshme, veçanërisht për gjeneratën tonë. Vaçe Zela kishte gjithçka i takonte këtij populli për ta pasur në kulturën e tij. Nuk e them dot sa humbje e madhe është", shprehet kompozitori Krajka.<br /> <br />Për Krajkën, i cili ka punuar me Vaçen, ajo "Ishte një vajzë jashtëzakonisht korrekte".<br /><br />"Vepronte një ligj tjetër në atë kohë. Vaçe Zela të befasonte, jo se ishin këngët e mia apo kolegëve të mi. Ajo kishte lindur artiste.<br />Është një rast tmerrësisht i veçantë. Në disa 10 vjeçarë, rrallë ka pasur këngëtare sic Vaçe Zela për këngën shqiptare".<br />Edhe pse prej vitesh, Krajka nuk ka pasur lidhje me Zelën, për shkak të largimit të tij për 17 vjet në SHBA, ai thekson se i duket sikur e ka takuar dje atë.<br />"Lidhje nuk kam pasur se në vitet 90 u largova kur u sëmur. Ika në SHBA për 17 vjet, por më duket sikur jam takuar dje me të. Nuk e zvogëlon apo zmadhon gjë Vaçe Zelën.<br />Vaçja lindi këtu, u formua, ishte një popull që e ushqeu dhe u bë Vaçe Zela", përfundon kompozitori Krajka.
