TIRANE- Vetëm kreu i grupit të PDIU-së Shpëtim Idrizi, ishte ishte sot i pranishëm nga opozita, në takimin që dy ministrat e shtetit kishin thirrur për të diskutuar në lidhje me ligjin për nëpunësin civil, pak ditë pasi Gjykata Kushtetuese zbardhi të argumentuar vendimin për rrëzimin e aktin normative të hartuar nga qeveria. Ndërkohë ministrja e Shtetit Milena Harito deklaron se do të kërkojë një takim tjetër, por të shkarkuarit nuk do të kthehen.<br />Ministria, Milena Harito pas mbledhjes deklaroi se akti normativ është ende në fuqi deri në momentin kur vendimi i Gjykatës Kushtetuese të publikohet në fletoren zyrtare. Ndërkohë që për pretendimet e PD-së për rikthimin e të shkarkuarve në punë Harito u shpreh se kjo nuk mund të ndodhë.<br /><br />"Kishim Idrizin nga opozita. Nuk kishte ardhur Paloka as Mediu. Në takim kishim Vendimi i Gjykatës qartësisht shfuqizon aktin normativ por në momentin kur vendimi i Gjykatës hyn në fuqi, ditën kur botohet në fletoren zyrtare. Nuk ka asnjë problem të veçantë. Propozimi ynë që u hodh në takim ishte të propozojmë amendime në ligj për të qenë në koherencë me shtyrjen e efekteteve të këtij ligji. Ne kishim arsye të qenësishme për këtë gjë. Gjykata Kushtetuese nuk ka marrë vendim për shtyrjejn e efekteve. Ne mendojmë se është e domosdoshme shtyrja efekteve të këtij ligji në prill dhe do e bëjmë. "- tha Harito.<br />Ministrja shtoi se aktet nënligjore janë mbaruar të gjitha dhe tre prej tyre do kalojnë shumë shpejt në këshillin e ministrave. E pyetur për pretendimin e PD-së për të kthyer në punë të shkarkuarit Harito u shpreh: "Nuk ka asnjë bazë ligjore për këtë. PD mirë është që të argumentojë ato që thotë"<br /><br />Sot pasdite Harito informoi se do të shkruajë një tjetër letër krerëve të grupeve parlamentare për t'i kërkuar takim tjetër.<br /><br />Ajo që mbetet në pikëpyetje është fati i nëpunësve të shkarkuar apo edhe emëruar pas datës 1 tetor të vitit 2013 lëvizje që janë bërë duke u bazuar tek ligji i vjetër.
