TIRANË- Nëse skema e pensioneve në Shqipëri nuk reformohet, sipas Ministrit të Mirëqenies Sociale, Erion Veliaj, "e nesërmja do të jetë një katastrofë financiare për të gjithë."<br /><br />Erion Veliaj e ka bërë të ditur këtë sot në mbledhjen e parë të grupit të punës, të mbajtur në Ministrinë e Mirëqenies Sociale.<br /><br />Sipas tij, në Shqipëri janë shumë pak të siguruarit në skemën e sigurimeve shoqërore, prej atyre që sot përbëjnë moshën aktive të popullsisë.<br /><br />Probleme kanë edhe ata që sot janë të siguruar dhe derdhin kontribute shoqërore.<br /><br />"Masa e fitimit është shumë e ulët dhe ka treguar se mund të përkeqësohen raportet me pagat që tregon skema. Skema është e papërballueshme për financat publike", tha Veliaj, duke shtuar se skema e sigurimeve shoqërore ka rritur defiçitin, duke arritur në 420 mijë dollarë.<br /><br />"Të njëjtët njerëz njëherë iu duhet të paguajnë sigurime shoqërore dhe njëherë të paguajnë sigurime për të mbajtur skemën gjallë. Kjo është e pandershme në raport me qytetarët", vijoi Veliaj.<br /> <br />ÇDO BIZNES I VOGËL KA TË SIGURUAR VETËM 1 PERSON<br />Sipas Veliajt, në vitin 2013 ishin 640 mijë kontribues të skemës dhe raporti i përfitimit ishte 1,1 kontribues për 1 përfitues. Ndërkohë që ky raport duhet 4 të jetë me 6 për një përfitues.<br /><br />Për Veliajn, "Ky raport është alarmant për shkak të informalitetit. I bie që të siguruar për biznesin e vogël është 1.45 punonjës për çdo biznes". Ai ka bërë të ditur se, "Edhe ata që janë pjesë e skemës e bëjnë vetëm për pagën minimale, edhe për faj të vetë skemës, ku ata me paga të larta mund të paguajnë deri 5-fishin e kontributit por mund të marrin vetëm 2- fishin e kontributit të atyre që paguajnë rrogën minimale".<br /> <br />PENSIONET NË FSHAT, SI ASISTENCË SOCIALE<br />Problem i mprehtë sipas ministrit Veliaj "është diferencimi mes skemës së pagesave ruarale dhe urbane."<br /> <br />"Skema rurale është kthyer në një lloj asistence sociale", theksoi ai.<br /><br />"Me ndryshimet demografike është e padallueshme, ku filllojnë disa fshatra e disa qytete. Një rrugicë paguan shumë, njëra jo. Kjo është e pandershme për gjithë qytetarët që paguajnë kontribute. Nëse skema qëndron pa u reformuar, atëherë defiçiti thellohet", theksoi Veliaj.<br /> <br /> ATA QË PUNOJNË SOT, RREZIKOJNË TË MOS MARRIN PENSION NESËR<br />Sipas tij janë vërtet shumë shqiptarët, pjesë e sotme e tregut të punës, të cilët rrezikojnë të mos marrin pension, gjë që do të përbënte katastrofë sociale në të ardhmen.<br /> <br />"Plakja e shoqërisë do të përkeqësojë skemën. Duhet të ndërhyjmë. Në 2050-n, sipas raporteve lindje-vdekje, në Shqipëri do të jenë mbi 65 vjeç, 25 përqind e popullsisë. Popullsia po shkon me ritme të shpejta drejt plakjes", nënvizoi Veliaj.<br /><br />Sipas tij në këtë diskutim të grupit të punës, bëhet fjalë për thelbin dhe procesin e skemës së pensioneve.<br /> <br /> KONFERENCË KOMBËTARE PËR SKEMËN E PENSIONEVE<br />Së pari, në lidhje me procesin, ai siguroi se me të gjithë qytetarët, punëdhënësit e punëmarrësit, skema "do t'i nështrohet një diskutimi të gjerë e gjithëpërfshirës".<br />Do të ngrihet edhe këshilli për ...
