Regjistrohet viktima e tretë nga gripi sezonal në Maqedoni. Bëhet fjalë për një grua të moshës 74 vjeç e cila edhe përkundër kujdesit intensiv mjekësor nuk arriti të shpëtojë. Në klinikën infektive ajo ishte hospitalizuar në gjendje të rëndë ndërsa ka vuajtur edhe nga sëmundjet tjera.<br /><br />"Ia edhe një rast me grip me influencë A të vërtetuar që përfundoi me vdekje. Rasti I tretë momentalisht në nivel shtetërore. Një grua 74 vjeçare shumë kormobiditete me bronhit kronikë me kardio meopati hronike të dilatuar me insuficiencë renale kronike hipertension arterial. Edhe pse ishte e mbuluar me antibiotik dhe terapi anti virale nuk aritëm ta shëptojm", deklaroi Ilir Demiri, doktor.<br /><br />Demiri tha se javën e fundit janë regjistruar raste me komplikime të rënda. Momentalisht në spitalin infektiv një pacient është vendosur me respirator mekanik, ndërsa 6 të tjerë janë nën kujdesin intensiv për shkak të komplikimeve.<br /><br />"Përafërsisht 110 pacient ka klinika një pjesë e tyre është me influencë me grip shfrytëzoj rastin të apeloj te njerëzit nëse kanë simptome gripale të drejtohen te mjeku familjar ata janë të udhëzuar për mënyrën e trajtimit dhe si duhet të mbulohen pacientet me terapi, ato që kanë komplikime duhet të përcillen në klinikë", u shpreh Ilir Demiri, doktor.<br /><br />Sipas të dhënave të fundit të Institutit të Shëndetit Publik, javën e fundit janë regjistruar 2350 persona të rinj me simptoma të gripit, që është për 12 për qind më shumë se një javë më parë. Me këtë numri i përgjithshëm i të prekurve nga gripi në këtë sezon ka arritur në 7778 persona apo 37 për qind më shumë se periudhën e njëjtë të vitit të. Gjyltene Rexhallari
