PESHKOPI- Një tjetër aksident është regjistruar ditën e sotme në Peshkopi, pasi një furgon me pasagjerë ka dalë nga rruga dhe si pasojë janë plagosur 8 persona. Pesë persona kanë pësuar lëndime të lehta, ndërsa tre prej tyre janë të plagosur më rëndë, mes tyre një foshnjë 4-muajshe. Tre të aksidentuarit që u paraqitën në gjendje më të rënuar u transportuan drejt Spitalit Ushtarak në Tiranë për të marrë ndihmë mjekësore më të specializuar.<br /><br />Nëndrejtori i Spitalit të Traumës, Artan Disfata, konfirmon për "A1 Report" se gjendja e të plagosurve nuk është e rënduar, dhe nuk janë për reanimacion. Fëmija ka një traumë një kokë, dhe specialisti do bëjë kontrollin. Gruaja e aksidentuar ka shëmbje në kraharor, ndërsa drejtuesi i furgonit ka dëmtime në këmbë".<br /><br />FURGONI DEL NGA RRUGA, AKSIDENTOHEN 8 PERSONA<br />Sipas informacioneve nga vendi i ngjarjes aksidenti ka ndodhur rreth orës 15:00 në aksin Peshkopi-Luzni, në fshatin Katund i Ri ku furgoni me 9 pasagjerë ka dalë nga rruga si pasojë e një defekti në sistemin e frenave, e si pasojë janë plagosur 8 persona, 6 prej të cilëve janë dërguar në Spitalin Rajonal të Peshkopisë ku ndodhen jashtë rrezikut për jetën.<br /><br />Sipas mjekut Muharrem Rama në spitalin rajonal të Peshkopisë "gjendja e të plagosurve në spitalin e Peshkopisë është e stabilizuar, nga të plagosurit ne kemi të shtruar 6 prej tyre. Kanë disa fraktura, por gjendja paraqitet e stabilizuar dhe jashtë rrezikut për jetën".<br /><br />Në gjendje më të rëndë është një foshnjë 4-muajshe e seksit mashkull që është nisur me ambulancë drejt Tiranës, pasi ka marrë dëmtime në kokë dhe krah.<br /><br />Në spitalin Ushtarak mbërritën tre të plagosurit, njëri prej tyre Hamza Manuka, 38 vjeç.<br /><br />Sipas korrespondentit të "A1 Report", Daniel Shehu, furgoni ka qenë duke ecur normalisht në drejtim të fshatit Katund i Ri, kur drejtuesi Medi Cani ka konstatuar se sistemi i frenave kishte defeket.<br /> <br />Në këtë moment drejtuesi është përpjekur ta ndalojë mjetin në anë të rrugës në një kodër, duke shmangur rënien në lumin Drin në anën tjetër të rrugës.<br /> <br />IDENTITETET E TË PLAGOSURVE<br />Yllka Numa 23 vjeç<br />Jonuz Sula 62 vjeç<br />Mehdi Cani 46 vjeç<br />Zedie Sula 50 vjeç<br />Sokol Muliu 41 vjeç<br />Hamza Manuka 38 vjeç<br />Fahri Kaci<br />Një foshnjë 4-muajshe e seksit mashkull
