TIRANE- Nënkryetarja e Bashkisë Tiranë, Nevila Xhindi, në një deklaratë për mediat iu kundërpërgjigj akuzave të ish-kryetarit të Bashkisë, kreut aktual të qeverisë Edi Rama, sa i takon arritjeve në kryeqytet.<br /> <br />Në fjalën e saj, ajo renditi një sërë arritjesh në disa sektorë të ndryshëm, si kanalizimi dhe ujësjellës dhe sektorë të tjerë jetik në vend.<br /> <br />Sipas saj, në ujësjellës janë realizuar 138 projekte, ndërsa familjet që janë lidhur me këtë rrjet janë 9 mijë. Më tej ajo shton se viti që sapo lamë pas është viti i projekteve strategjike.<br /> <br />Sipas Xhindit, Bashkia ka hapur edhe një portal punësimi e ndërsa ka vënë edhe një fond garancie për të nxitur biznesin për qytetarët nën moshën 30 vjeç.<br /> <br />Përpos tyre, Nevila Xhindi u ndal edhe në linjën Kombinat-Kinostudio, duke nënvizuar se Tirana ka një nga qëndrat më moderne në vend. Duke qëndruar në të njëjtën linjë, ajo u shpreh se ky bilanc në 2 vite e gjysmë, e shqetëson ish-kryebashkiakun Rama sa i takon sukseseve.
