Presidenti amerikan Barack Obama dhe këngëtarja Beyoncé, mendohet të jenë në një marrëdhënie mes tyre. Lajmi u bë i ditur nga paparaci i njohur francez Pascal Rostaing në një intervistë për Radion franceze Europe 1.<br /><br />Sipas tij, të martën e 11 shkurtit do të dalin provat e një historie dashurie të mundshme, mes Presidentit dhe këngëtares, prova të cilat do të publikohen nesër nga e përditshmja amerikane Washington Post. Por e përditshmja, duke e përgënjeshtruar këtë gjë, shprehet se nuk merret me të tilla lajme. Paparaci fracez, për mikrofonin e kësaj radio, u shpreh gjithashtu se mes Obama dhe Michelle është një atmosferë e akullt dhe prej disa javësh marrëdhënia e tyre nuk është më e qetë.<br /><br /><br />Rostaing me siguri, është shprehur se gazetarët do e nxjerrin këtë lajm, kur të jenë të sigurtë 150%, pasi në SHBA ligji nuk është si në Francë. Gazetarët mund të dënohen nëse deklarojnë diçka jo të vërtetë, kështu që duhet të jenë të kujdesshëm për të mos gabuar.<br /><br />Fotografi 56-vjeçar Rostaing, është autori i shumë skupeve, siç mund ishin fotot e para të historisë së dashurisë, mes ish gruas së Presidentit francez Nicolas Sarkozy, Cecilia dhe Richard Attias në vitin 2005. Gjithashtu, ai ka qenë autor i fotografive të para në vitin 1994, të vajzës sekrete të Presidentit të asaj kohe, Francois Mitterrand, apo fotot e marrëdhënies mes Princeshës Karolina të Monaco-s me tenistin Guillermo Vilas.
