WASHINGTON- Presidenti i SHBA, Barack Obama mirëpriti në Shtëpinë e Bardhë presidentin francez Francois Hollande në një darkë shtetërore.<br /><br />Mes 350 të ftuarve ishin dhe zyrtarë të qeverisë, Pentagonit, anëtarë të Kongresit Amerikan, si dhe këngëtarë e aktorë të njohur, presidenti francez ishte i ulur mes çiftit Obama, për të mbuluar disi faktin se ishte pa shoqëruese, pas ndarjes me Valerie Trierweiler.<br /><br />Presidenti Obama vlerësoi aleancën mes dy vendeve duke thënë se, tashmë të dyja vendet kishin besim tek njëra-tjetra në një mënyrë të paprecedentë.<br /> <br />Ndërkohë Hollande vlerësoi sakrificën e ushtarëve amerikanë gjatë Luftës së Dytë Botërore dhe tha se Franca e SHBA do të mbronin principet e së drejtës universale.<br /> <br />Përveç festimeve, të dy liderët biseduan lidhur me programin bërthamor të Iranit, situantën në Siri, tregtinë, si dhe problemet ekonomike.
