Trafiku armëve drejt Kosovës ka vënë në pranga 6 persona, mes të cilëve dy punonjës të Ministrisë së Brendshme dhe Policisë së Shtetit, Fadil Sulën inspektor kufiri dhe Hamdi Matja, magazinieri që ka furnizuar grupin për trafikun e armëve.<br /> <br /> <br />TIRANË - Trafiku armëve drejt Kosovës ka vënë në pranga 6 persona, mes të cilëve dy punonjës të Ministrisë së Brendshme dhe Policisë së Shtetit. Burime zyrtare nga policia thanë se, të arrestuarit kishin ngritur një grup kriminal që merrej me trafikun e armëve të ndryshme.<br /> <br />Hetimi në lidhje me këtë grup kriminal është bërë nga efektivët e Shërbimit të Kontrollit të Brendshëm në Ministrinë e Brendshme, të cilët kishin marrë informacione për përfshirjen e dy punonjësve në këtë rrjet trafiku.<br /> <br />TË ARRESTUARIT GJATË OPERACIONIT JANË:<br />Fadil Sula, 53 vjeç, lindur dhe banues në Bushtricë të rrethit të Kukesit, me detyrë Inspektor në Drejtorinë Rajonale të Kufirit e Migracionit Kukës, i dyshuar si organizatori i këtij grupi kriminal.<br /><br />Liman Gjici, 47 vjeç, lindur e banues në fshatin Bushtricë të rrethit të Kukësit, i dyshuar si ndihmësi i organizatorit kryesor të këtij grupi.<br /><br />Hamdi Matja, 52 vjeç, lindur në Krujë e banues në Tiranë, me detyrë magazinier armatimi në Repartin 100, pranë Ministrisë se Punëve te Brëndshme, në rolin e furnizuesit kryesor me armë e municione te organizatorëve të këtij trafiku.<br /><br />Lorenc Zyli, 34 vjeç, lindur e banues në Gramsh, në rolin e grumbulluesit dhe furnizuesit me armë e municione të organizatorëve të këtij trafiku.<br /><br />Erjon Zisko, 24 vjeç, lindur dhe banues në fshatin Skënderbegas të Gramshit, në rolin e grumbulluesit dhe furnizuesit me armë e municione të organizatorëve të këtij trafiku.<br /><br />Abedin Plaku, 53 vjeç, lindur e banues në Gramsh, në rolin e grumbulluesit dhe furnizuesit me armë e municione të organizatorëve të këtij trafiku.<br /> <br />Arrestim i këtyre personave është bërë pas një hetimi intensiv disa mujor, të bërë nga Shërbimi i Kontrollit të Brendshëm, në bashkëpunim me Prokurorinë e Krimeve të Rënda, e cila ka regjistruar procedimin penal për veprën penale të "trafikimit të armëve dhe municioneve".<br /> <br />Operacioni për kapjen e tyre u finalizua në dalje të tunelit të Kalimashit, teksa anëtarët e grupit kriminal ishin duke transportuar një sasi armësh dhe municionesh luftarake. Në cilësinë e provës materiale u sekuestruan:<br /> <br />12780 fishekë automatiku e pistoletë;<br />4 armë automatike;<br />Një sasi e konsiderueshme, pjesë armësh të ç'montuara.<br /> <br />Nga dokumentimi i deritanishem i aktivitetit kriminal të këtij grupi rezulton se vetëm magazinieri i Repartit 100 i Ministrisë së Punëve të Brendshme ka furnizuar grupin kriminal, me 100.000 mijë copë fishekë.
