TIRANE- Ka shkuar në shtatë numri i viktimave të aksidentit të ndodhur pak ditë më parë në aksin rrugor Kukës-Shishtavec.<br /> <br />Petrit Mustafa ka ndërruar jetë ditën e sotme në Spitalin Ushatarak. Në datën tetë shkurt, një furgon me pasagjerë i cili po udhëtonte nga fshati Shtrezë drejt Kukësit, ka dalë nga rruga duke rënë në një greminë 150 metra poshtë.<br /> <br />Petrit Mustafa ndodhej në gjendje kome cerebrale, ndërsa ka ndërruar jetë pak minuta më parë.<br /> <br />Gjatë këtij aksidenti humbën jetën 6 persona, ndërsa mbetën të plagosur dhe pesë persona. Tre prej të plagosurve në gjendje të rëndë ndodhen në spitalin e Traumës në Tiranë, duke marrë ndihmë më të specializuar.
