POGRADEC- Tre të vdekur dhe dy të plagosur është bilanci i tre aksidenteve rrugore një në Pogradec dhe dy në Laç.<br /> <br />Në qytetin Pogradecit një automjet tip "Benz" me targa PG 5287P që drejtohej nga shtetasi me iniciale, Renato Finjaku, teksa po udhëtonte në afërsi të "Bllokut të vilave" ka humbur kontrollin e mjetit dhe ka përplasur dy kalimtare.<br /> <br />Për pasojë ka gjetur vdekjen e menjëhershme shtetasi, Bashkim Pera, 55 vjeç, ndërsa kanë mbetur të plagosur vetë drejtuesi i mjetit dhe një tjetër kalimtar.<br /> <br />Dy të plagosurit janë nisur me urgjencë me makina drejt spitalit të Pogradecit ku ndodhen nën kujdesin e bluzave të bardha.<br /> <br />Ndërkohë po pasditen e sotme një 74-vjeçar teksa udhëtonte me biçikletë në aksin Laç- Patok, është përplasur me një autoveturë.<br /> <br />Për pasojë i moshuari, Gjon. K ka gjetur vdekjen e menjëhershme, ndërsa policia ka ndaluar drejtuesen e mjetit që shkaktoi aksidentin.<br /> <br />E ndaluara është shtetasja, Drita Dashi, ish-drejtoreshë e Arsimit në rrethin e Laçit.<br /> <br />Policia rrugore ka mbërritur në vendin e ngjarjes dhe ka nisur punën për zbardhjen e rrethanave të aksidentit.<br /><br />ORA 20:00 KURBIN, MAKINA PËRPLAS PËR VDEKJE KALIMTAREN<br />Një tjetër këmbësore ka gjetur vdekjen mbrëmjen e sotme teksa është përplasur nga një makinë në afërsi të Skurjave në aksin Rrëshen-Milot.<br /><br />Mësohet se Dava Marku, 70 vjeç, i ka prerë rrugën një automjeti tip fugon me targa të Tiranës. Përplasja ka rezultuar fatale për të moshuarën pavarësisht përpjekjes së drejtuesit me mjetit për ta çuar në spital.<br /> <br />Policia ka nisur punën për zbardhjen e rrethanave të aksidentit, ndërsa ka ndalur edhe drejtuesin mjetit.
