STRASBURG - Në një raport të Komisionit të Punës dhe të Çështjeve Sociale të Parlamentit Europian, masat e marra nga Troika në disa vende europiane, është cilësuar si një "Tsunami Social".<br /> <br />"Kanë punuar si kasapë dhe jo si kirurgë", kështu është shprehur socialisti spanjoll Alejandro Cercas, gjatë prezantimit të këtij raportit, në lidhje me aplikimin e Troikës në Greqi, Portugali, Irlandë dhe Qipro.<br /> <br />Gjatë një konference për shtyp, Cercas ka kërkuar një plan për rimëkëmbjen sociale në këto vende dhe është shprehur se kanë gabuar masat dhe kohët e aplikimit, duke parë se tashmë mbizotëron zemërimi në pjesën më të madhe të Europës.<br /> <br />Cercas u shpreh gjithashtu se "Eurogrupet, Banka qendrore Europiane dhe FMN (Fondi Monetar Ndërkombëtar) kanë thyer ligjet dhe traktatet" duke provokuar një katastrofë sociale dhe politike, pa precedentë, në këta katër vitet e fundit në Europë.<br /> <br />Dimensioni social i Europës është injoruar, tashmë Europa duhet të tregojë interes jo vetëm ndaj shëndetit financiar të Shteteve anëtare të BE-së, por edhe ndaj jetës së përditshme të qytetarëve.<br /> <br />Sipas këtij raporti të këtij komisioni, kriza financiare dhe ekonomike dhe politikat e ndërmarra për të rregulluar situatën, kanë goditur sidomos të rinjtë . Në vitin 2012, niveli i papunësisë në Greqi u rrit me 50%, 30% në Portogali dhe 26,4% në Irlandë dhe Qipro. E gjithë kjo, e ka shtyrë popullsinë të largohet nga shtëpia, në kërkim të një të ardhme më të mirë.
