TIRANË - Zbardhet një vrasje e ndodhur ditën e mërkurë (12 shkurt 2014), e cila ishte regjistruar si aksident nga ana e policisë. Policia e Tiranës gjatë ditës së sotme ka zbuluar të vërtetën rreth vdekjes së një banori të lagjes "Xhamllik" në kryeqytet, kur prangosi një 23-vjeçar që kishte vrarë të atin.<br /> <br />Fillimisht, të mërkurën, ngjarja ishte raportuar si aksidentale, sikur Fatos Thaçi ishte përplasur me biçikletë dhe për pasojë kishte gjetur vdekjen. Ngjarja u arkivua si e tillë nga oficerët e policisë të komisariatit nr 4 në Tiranë, të cilët në raportet e tyre referuan për plagë të marra pas një aksidenti.<br /> <br />Mirëpo, pas grumbullimit të provave të tjera, si dhe pas verfikimit të saktësive të dëshmive të djalit të viktimës, ekspertët nisën të dyshonin. Kështu, 23-vjeçari Ardian Thaçi nuk ishte i qartë rreth pyetjeve se ku kishte qenë momentin e aksidentit, gjë e cila solli edhe rinisjen e hetimeve.<br /> <br />Kësisoj, rezultoi se ngjarja kishte ndodhur pas një sherri me djalit dhe të atit, ndërsa 23-vjeçari e kishte goditur në kokë me sende të forta. Policia vendosi të ndjekë penalisht oficerin që kishte kryer veprimet hetimore, derisa të sqarohen më pas të gjitha rrethanat e kësaj ngjarjeje. Ndërkaq, 23-vjeçari i arrestuar pritet të marrë masën e sigurisë.
