TIRANE- Andon Mëhillaj ka tentuar të vetëvritet duke prerë damarët e dorës. Ngjarja ka ndodhur në qelitë e izolimit të Drejtorisë së Policisë së Tiranës më 13 shkurt 2014. Pikërisht ditën kur Mëhillaj u transferua në Tiranë nga policia e Vlorës ku u vetëdorëzua po atë ditë.<br /><br />Si mjet prerës Mëhillaj ka përdorur pjesë të krevatit të qelisë. Lajmi i mbajtur i fshehtë edhe në seancën e vlerësimit të masës së arrestit në Gjykatën e Krimeve të Rënda u zbulua pas krizës mendore që pësoi pasditen e djeshme më 15 shkurt në qelitë e paraburgimit të burgut 302.<br /><br />I akuzuari si ndërmjetësi mes porositësve dhe dy vrasësve me pagesë, Julian Sinanaj dhe Ndriçim Gjokonaj në realizimin e atententave, Mëhillaj u vetëdorëzua katër ditë më parë në Policinë e Vlorës.<br /><br />Sipas pretendimeve, rreth orës 16:00 të 15 shkurtit Mëhillaj është përfshirë nga kriza dhe ka kërkuar të takohej me familjarët.<br /><br />Në pamundësi të mbërritjes së tyre, në burgun 302 ka mbërritur avokati mbrojtës, i cili nuk është lejuar të futet brenda me preteksin se ndodhej jashtë orarit zyrtar të vizitave dhe për mungesë të një vërtetimi ng Prokuroria e Krimeve të Rënda.<br /><br />Gjëndja psikologjike dhe shëndeti mendor janë alibija më e fortë e mbrojtjes në procesin ndaj Mëhillajt. <br /><br />Mëhillaj është personi i pestë i arrestuar për atentatatet e kryera kryesisht me eksploziv i vrasësve me pagesë. <br /><br />Ai akuzohet si ndërmjetësi në ekzekutimin e peshkatarit Sokol Veizaj në Vlorë, në vrasjen kundrejt një pagese 35 mijë euro për biznesmenin Agron Çela, në shpërthimin në banesën e zyrtarit të PD në Vlorë Ardian Kollozi, në vendosjen e bombës me celular në automjetin e prefektit të Vlorës, Besnik Dervishi, në plagosjen e Julian Metushit, në porositjen e një atentati të mbetur në tentativë për 120 mijë euro ndaj biznesmenit Piro Bare, si edhe në dy raste të tjera të vendosjes së ekslozivëve.<br /><br />Në pranga për të njëjtin grup janë dy vrasësit me pagesë Ndriçim Gjokona, Julian Sinanaj, Marjon Mitro dhe Ilir Karçini.
