TIRANE- Bashkia e Tiranës shpalli sot konkursin për logon e 400 vjetorit të Tiranës që do të shoqërojë të gjitha aktivitetet me karakter artistik, historik, sportive që do të organizohen.<br /><br />"Jemi të interesuar që të mund të përçojmë të gjithë këto aktivitete, me këtë imazh të ri të qytetit i cili do të na ndjekë përgjatë të gjithë muajve në vijim," tha drejtori i kulturës në Bashkinë e Tiranës Arben Skënderi.<br /> <br />Logoja e 400 vjetorit do të jetë një imazh me gjuhë bashkëkohore dhe të gjithë artistët e interesuar do të mund të përcaktohen dhe të rendisin punët e tyre, duke ballafaquar deri në tre punime, me karaktere të ndryshëm, duke lënë të hapur tematikën dhe mënyrën se si ato do të shprehen artistikisht.<br /> <br />Të gjithë artistët e interesuar do të duhet të paraqesin deri në tre punime, me karaktere të ndryshëm, duke lënë të hapur tematikën dhe mënyrën se si ato do të shprehen artistikisht.<br /> <br />Artistët kanë dy javë afat për të pritur të gjithë punimet që do të prezantohen dhe më pas një juri e specializuar do të marrë vendimin, artistikisht, për këtë projekt artistik dhe është menduar të lihet edhe një javë që të bëhet shpërndarja e punëve më të mira në rrjetet sociale por edhe në faqen e Bashkisë, në mënyrë që të mund të marrin edhe vlerësimin e publikut të gjerë. Më pas një juri e e specializuar do të shpallë projektin më të mirë"<br /> <br />Të interesuarit duke nisur nga dita e nesërme, do të mund të shkarkojnë qoftë në faqen e Bashkisë, qoftë pranë drejtorisë së Artit dhe Kulturës gjithë kriteret teknike të këtij konkurimi.
