PARIS - Gjashtë shqiptarë, të moshës 20-30 vjeç, janë vënë në pranga pasi akuzohen për trafik lëndësh narkotike në sasi të mëdha. Aksioni është bërë nga policia e Clermont-Ferrand në provincën e Auvergne në qendër të Francës, pranë Lionit. Gjatë operacionit, policia ka sekuestruar 2.140 kg heroinë dhe 70 gramë kokainë.<br /> <br />Duke folur para mediave, prokurori i kësaj çështjeje në Auvergne ka bërë të ditur se, të arrestuarit prej të paktën një viti kishin ngritur një rrjet të trafikut të shitjes kokainës dhe kanabisit.<br /> <br />Hetimet kishin nisur në 25 shtator të vitit 2013, kur policia kishte arrestuar një person të drogur dhe gjatë kontrollit në banesën e tij ishte gjetur lëndë narkotike kokainë.<br /> <br />"Kjo është sasia e madhe e heroinës si një qytet si Clermont-Ferrand", ka deklaruar Bernard François, drejtori i policisë së Clermont-Ferrand, i cili udhëhoqi hetimet. Disa lëndë narkotike janë konfiskuar edhe gjatë javës së kaluar. "Vlera e rishitjes së heroinës, kokainës dhe kanabisit arrinte në 115.000 ?," ka shtuar Pierre Seines, prokuror në Clermont-Ferrand.<br /> <br />Policia kishte identifikuar dy vëllezër shqiptarë si krerët e një "rrjeti trafiku që përbëhet pothuajse vetëm nga shqiptarët", thotë Bernard François. Gjatë aksionit janë konfiskuar edhe tre automjete - duke përfshirë një lloj BMW 4 X 4.
