PRISHTINE - Kosovarët në Siri shkojnë në mënyrë të organizuar dhe për arsye financiare. Kështu është shkruar në një dokument të Ministrisë së Punëve të Brendshme të Kosovës.<br /> <br />Organizatorët e shkuarjes atje, nuk i ka përmendur por arsyet pse kosovarët po shkojnë në Siri, po. Pagat e majme në këmbim të luftës, besohet po i çojnë kosovarët në atë luftë.<br /> <br />Ministria e Punëve të Brendshme këto shpjegime i ka dhënë në memorandumin shpjegues të Projektligjit për ndalimin e bashkimit në konflikte të armatosura jashtë territorit të vendit.<br /> <br />Sipas këtij dokumenti të siguruar nga Koha Ditore, kosovarët gjithë atë udhëtim e marrin në mënyrë të organizuar, derisa askund nuk përmendet se kush është ai organizator që i dërgon atje.
