TIRANË - Lihet në qeli sërish Ilir Karçini, personi i cili akuzohet se është porositësi për vrasjen e biznesmenit të gazit, Piro Bare. Ka qenë Gjykata e Apelit e Krimeve të Rënda që nuk e ka pranuar kërkesën e avokatit Ardian Leka, i cili kërkonte lirimin e klientit të tij.<br /> <br />Duke folur pas seancës, avokati i Ilir Karçinit tha se, klienti i tij nuk e njeh personin që është i pandehuri i prokurorisë (Julian Sinanaj) dhe që ka përmendur emrin e tij. Gjithashtu avokati Ardian Leka deklaroi se, në dosjen e prokurorisë nuk ekzistojnë elemetët e veprës penale dhe për këtë do t'i drejtohet Gjykatës së Lartë.<br /> <br />"Ne mendojmë se nuk ekzistojnë elementët e veprës penale dhe për këtë arsye do ti drejtohemi Gjykatës së Lartë", tha Leka. Sipas tij, klienti në sallë e gjyqit ka dekalruar se nuk e njeh të penduarin. "Ai foli dhe nuk e njeh personin që është i penduar dhe që pretendohet se është ekzekutuesi".<br /> <br />Në fund, Ardian Leka tha se, bashkë me ish-kryeprokurorin Theodhori Sollaku do të jenë avokatët mbrojtjës të Ilir Karçinit, të arrestuar si i dyshuar për porositjen e një atentati ndaj biznesmenit Piro Bare.<br /> <br />Por atentati ndaj Bares nuk u realizua sepse, policia vuri në pranga vrasësin me pagesë Julian Sinanaj, ditën e shtunë në datën 25 janar 2014, në kohën kur ishte duke shkuar për të kryer një vrasje. Pas arrestimit, Sinanaj u bë i penduar i prokurorisë dhe ka treguar disa krime që ka bërë.<br /> <br />Gjatë dëshmive të tij, Sinanaj ka dhënë edhe emrat e personave që kanë qenë porositës të vrasjeve dhe atentateve me tritol, Marjon Mitro, për atentatin ndaj prefektit të Vlorës, Besnik Dervishaj.<br /> <br />Sinanaj ka thënë për prokurorinë se, kushërinjtë Andon dhe Genis Mëhillaj ishin personat që i kishin kërkuar për të vrarë peshkatarin Sokol Veizaj, për një pronë.
