VLORË - Zbulohet një tunel në zonën e hidrovorit në Vlorë që mendohet se përdorej nga trafikantët për të fshehur mjetet motorike për trafikun e lëndës narkotike drejt Italisë. Ndërkaq për këtë arsye gjatë ditës së sotme janë shoqëruar edhe disa efektivë të Policisë së Kufirit.<br /> <br />Këta efektivë janë shoqëruar për tu marrë në pyetje nëse, kanë dijeni në lidhje me këtë tunel që përdorej për trafiqe të ndryshme nga Vlora në drejtim të Italisë.<br /> <br />Burime nga policia e qytetit bregdetar kanë bërë të ditur se, tuneli ndodhet në Akerni në afërsi të Novoseles dhe del në pyllin e Sodës. Brenda është gjetur dhe një gomone 9 metra e gjatë.<br /> <br />Policia ka ushtruar kontrolle të imtësishëm në gjithë zonën. Sipas të dhënave të para nga policia e Vlorës mësohet se tuneli përdorej si bazë për të nisur mjete lundruese të ngarkuara me lëndë narkotike drejti në Itali.<br /> <br />Në tunel u gjet dhe një zetor, gjenerator dhe pajisje të ndryshme. Nisin hetimet për zbardhjen e rrjetit të trafikantëve.
