DURRËS- Rivihen pas 3 vitesh në funksion sistemi i radarëve në qendrën ndëroperacionale detare në Durrës.<br /><br />Gjatë ceremonisë së inaugurimit, mori pjesë ministrja e Mbrojtjes, Mimi Kodheli e cila tha se me rivënien në punë të këtij sistemi është rritur siguria në vijën bregdetare. <br /><br />Pas 3 vitesh jashtë funksionit, rivihet në gjendje pune sistemi i radarëve në qendrën ndëroperacionale detare në Durrës. Ministrja e Mbrojtjes, Mimi Kodheli ka marrë pjesë në inaugurimit të këtij sistemi që përmes satelitetit bëhet monitorimi i hapësirave ujore në brigjet shqiptare. <br /><br />Kodheli tha se me rivëninen në punë të këtij sistemi është rritur siguria në vijën bregdetare, si dhe do të parandalohen trafiqe të ndryshme, apo do kryhet verifikimin e anijeve të peshkimit, sidomos kur janë në vështirësi. <br /><br />"Radarët nuk punonin, Shqipëria me gjithë strukturat e saj qeverisëse, mbështetëse, kushtetuese nuk mund të shikonte kush hynte në detin shqiptar. Është bërë e mundur vendosja në punë e radarëve, të cilët i kanë hapur sytë Shqipërisë, kanë rritur sigurinë e Shqipërisë, e kufirit të saj detar, kanë rritur sigurinë e qytetarëve të saj", tha Kodheli.<br /> <br />Kodheli tha se vlera me të cilën ky sistem është vënë në funksion me gjysmën e shumës që për qeverinë e shkuar ishte e pamundur.<br /><br />Tashmë, me sistemin e radarëve kanë akses dogana, peshkimi, kufiri dhe ushtria.
