TIRANË - Në ditën e rrëzimit të bustit të Enver Hoxhës është hapur për qytetarët edhe rrethimi i fundit i komunizmit që gjendej në zemër të Tiranës. Mëngjesin e sotëm është hequr rrethimi i vilës 30, ose siç njihet ndryshe edhe vila e Mehmet Shehut.<br /><br />Arkitektët Artan Lame dhe Artan Shkreli kanë bërë publik sot faktin se kjo zonë do ti kthehet qytetarëve si lulishte. Sipas Lames, kjo zonë deri në vitet 1950 ka qenë e lirë, por më pas u rrethu duke e mbajtur këtë rrethim deri ditën e sotme.<br /> <br />Shkreli dhe Lame njëkohësisht kanë kujtuar edhe 20 shkurtin e vitit 1991, kur u rrëzua edhe busti i diktatorit, Enver Hoxha, gjatë demonstratave të fillviteve '90.<br /> <br />Duke folur në zonën që është rehabilituar, Artan Lame tha se, "kjo lulishte ka qenë e hapur për qytetarët në vitet 50 dhe më pas në vitet 70-80 u rrethua dhe njerëzit iknin me vrap sepse ishte pjesë e bllokut. Kjo pjesë e bllokut mbijetoi deri më sot, që po i rikthehet qytetit".<br /> <br />Arta Lame nuk ka lënë pa kujtuar edhe 20 shkurtin e vitit 1991, ditën kur u rrëzua busti i diktatorit, Hoxha. "Sot kisha dëshirë të kujtoja dhe rrëzimin e diktatorit, sepse në atë kohë kam qenë në grevën e studentëve dhe sot po e kujtoj këtu sepse nuk mund ta kujtoj atje ku është vendi pasi do të më shihnin me inat", tha Lame gjatë fjalës së tij.<br /> <br />Ndërkaq, arkitekti tjetër Artan Shkreli tha se, hapja e kësaj zone për qytetarët ka qenë një dëshirë e kryeministrit Edi Rama.<br /><br />"Ishte një dëshirë e kryeministrit që në momentin për të kujtuar rrëzimin e bustit të diktatorit të rrëzonin edhe këtë kopësht të fundit të bllokut. Këtë lulishte do ja kthejmë njerëzve për të pushuar. Këtu ishin 7-8 bunkerë që kishin mbetur. Ra ajo errësirë që e mbulonte dhe sa herë që kalonim këtu shikonim roje të armatosura", tha Shkreli gjatë fjalës së tij.<br /> <br />Sipas Shkrelit, "ky park do të ngrihet në një rang më të lart, duke vënë gjithçka në funksion, si basenin ujor, disa lojëra për fëmijë por asnjë lloj ndërtimi".
