"Heronjtë nuk vdesin kurrë", kështu tha ish-kryeministrja dhe liderja e opozitës, Julia Timoshenko para më shumë se 100 mijë protestuesve të mbledhur në sheshin "Pavarësia" në Kiev në pritje të saj.<br /> <br />Fjalën e saj të shumëpritur ajo e përqendroi tek ata që u vranë në protestat këto ditë të fundit. Ajo tha se ata nuk do të vdesin kurrë dhe bëri thirrje që vrasësit të dalin para drejtësisë. <br /><br />Julia Timoshenko u prit nga protestuesit nga brohorima. Ajo bëri thirrje që të gjithë të jenë bashkë për një të ardhme më të mirë për Ukrainën.<br /><br />"Është shumë e kënshme të jesh i lirë, të ndjesh ajërin e freskët dhe të shohësh njerëzit", tha ajo para mijëra njerëzve në shesh.<br /> <br />"Shpresoj që i gjithë vendi ynë të shikojë diellin që ka lindur sot. Po, bijtë më të mirë të vendit kanë humbur jetën, ata, trupat e të cilëve u mbuluan nga plumba, hoqën dorë nga çdo gjë që ne tani të gjithë bashkë të jemi të lumtur."<br /> <br />"Tani ne kemi një detyrë-që çdo pikë e rënë të mos shkoj dëm. Asnjë pikë gjaku e rënë nuk do të harrohet kurrë. Heronjtë nuk vdesin kurrë", tha ajo para protestuesve që njëzëri thërrisnin emrin e saj.<br /><br />Duku iu drejtuar nga karrigia me rrota protestuesve të mbledhur në shesh, liderja e opozitës u shpreh se, "Deri sa ju përfunduat këtë punë dhe deri sa ne bëmë këtë udhëtim, të gjithë rrugën, asnjë nuk ka të drejtë ta lërë tani."<br /><br />"Sepse, askush nuk mund ta bëjë këtë- asnjë shtet tjëtër, asnjëri nuk mund ta bëjë këtë që kemi bërë ne. Ne e eliminuam këtë kancer, këtë tumor", u shpreh ajo.
