TIRANE- "Mbill pemën tënde", nisma që po zhvillohet prej disa javësh në Tiranë sot u zhvendos në Qendrën Spitalore Universitare të TIranës (QSUT) ku u mbollën 200 pemë. <br /><br />Nismës iu bashkuan edhe dy ministra, Ministrja e e Mbrojtjes Mimi Kodheli dhe ministri i Shëndetësisë, Ilir Beqaj.<br /><br />Ministrja Kodheli nënvizoi se nisma është mesazh që duhet t'ua përcjellim të gjithëve për ta bërë më të shëndetshëm ambientin.<br /><br />"Ta mbjellim pemën tonë. Është ky mesazhi që këta të rinj po japin për të gjithë ne, për t'u përkujdesur për ambientin, për të ardhmen e fëmijëve tanë", tha ministrja Kodheli. Ajo shtoi se kjo nismë duhet të përhapet në të gjithë Shqipërinë.<br /><br />Në nismën e sotme për vendosjen e rreth 200 pishave pranë QSUT-së ndihmuan dhe një pjesë e forcave të Armatosura.<br /><br />Nga ana e tij, ministri Beqaj theksoi e se është detyrë së pari të furnizojmë spitalet me barna dhe pajisje mjeksore, por, vijoi ai, besoj se edhe mjedisi i spitalit është pjesë e rëndësishme e kujdesit për të sëmurët.<br /><br />Përfaqësuesi i nismës "Mbill pemën tënde informoi se deri tani në Tiranë janë mbjellë gjithsej 600 pemë.
