TIRANE- Një shkresë për kontroll të rreptë teknik të mjeteve, pritet t'u dërgohet shumë shpejt kompanive private të transportit publik që përdorin urbanët për lëvizje brenda në qytet.<br /><br />Ndërkaq, edhe drejtuesit e këtyre mjeteve pritet t'u nështrohen testimeve shtesë për aftësitë e tyre drejtuese<br /> <br />Burimet policore për A1 Report bëjnë të ditur se ky veprim pritet të ndërmerret, pas 2 aksidenteve që kanë ndodhur ditët e fundit, ku në fokus ishin pikërisht autobuzët.<br /> <br />Në këtë komunikim që pritet të bëhet me dije shumë shpejt, janë parashikuar kontrolle të rrepta teknike të këtyre mjeteve, ku do të kufizohet në maksimun qarkullimi i autobuzëve që paraqesin rrezikshmëri për qytetarët.<br /><br />Ndërkaq, pritet edhe verifikimi total i aftësive të drejtuesve të këtyre mjeteve, ndërsa po parashikohen ndëshkime, përveç Kodit Penal, për ata që përdorin alkool në timon. <br /><br />DY AUTOBUSE PERFSHIHEN NE DY AKSIDENTE BRENDA 24 ORESH <br />Nuk kishte shkuar ora 22.30 e ditës së djeshme, 22 shkurt, kur autobusi i Unazës në Tiranë doli nga rruga dhe u përplas me një pemë. Nga tronditja u plagosën lehtë të paktën 5 pasagjerë, ndërsa grupi i ekspertëve u përqendruar kryesisht në përcaktimin e shkaqeve të kësaj ndodhie që tregoi rëndësinë e kujdesit në transportin publik. Ndërkohë më 21 shkurt dhjetë persona mbetën të plagosur si pasojë e një aksidenti rrugor të ndodhur në dalje të Tiranës, në rrethrrotullimin afër qendrës tregtare "TEG". Autobusi i linjës Tiranë-Elbasan, me targa TR 2011 U, me të cilin udhëtonin 15 pasagjerë kryesisht të rinj u godit në pjesën e pasme nga një automjet tip "Benz", me targa AA 955 HG. Si pasojë e goditjes, autobusi i cili po lëvizte në drejtim të Elbasanit u përmbys në rrugë, duke u latuar në anën e drejtuesit të mjetit.
