TIRANE- Kreu i Parlamentit, Ilir Meta shprehet se anëtarësimi në Kartën e Adriatikut i Serbisë dhe Kosovës si dhe normalizimi i marrëdhënieve të tyre janë një kusht për stabilitetin e rajonit. Ndërkohë edhe ambasadori Aleksadër Arvizu nënvizon se "Shtetet e Bashkuara mbeten, palëkundshmërisht të vendosura për politikën e dyerve të hapura të NATO-s ".<br /> <br />"Politika më e mirë e sigurisë në Ballkan është mbështetja e sigurisë rajonale në vetvete. Po punojmë për marrëdhënie më të ngushta me Serbinë. Krenohemi me Kosovën dhe shprehim qëndrim pozitiv për normalizimin e metejshem mes Kosovës dhe Serbisë. Jam i bindur se normalizimi i marëdhënieve mes të dy vendeve dhe hyrja e tyre në Kartën e Adriatikut do të forconte rajonin."- nënvizoi Meta.<br /> <br />Bashkëpunimi ndërparlamentar midis vendeve të rajonit ishte kryefjala e konferencës së mbajtur sot për Kartën e Adriatikut, ku të pranishëm ishin edhe ministrja e Mbrojtjes Mimi Kodheli, ministri i Jashtëm Ditmir Bushati si dhe ambasadori i shteteve të Bashkuara Arvizu. Të ftuar ishin një sërë delegacionesh nga Maqedonia, Kosova, Bosnja, Serbia, Kroacia dhe shoqëria civile.<br /><br />BUSHATI: NJË RAJON I INTEGRUAR PLOTËSISHT ËSHTË NJË RAJON I SIGURT<br />Ndërsa ministri i jashtëm, Ditmir Bushati, duke falenderuar SHBA-në për mbështetjen e saj të pakursyer ndaj Shqipërisë dhe rajonit, u shpreh se siguria rajonale është një proces kompleks dhe kërkon bashkëpunim më të madh mes vendeve. Gjithashtu ministri i jashtëm shtoi:<br /><br />"Sot 11 vjet pas formimit të Kartës së Adriatikut, rajoni është në paqe, por kjo nuk duhet marrë për të mirëqenë. Një rajon që nuk është i integruar plotësisht nuk mund të jetë një rajon i sigurt."<br /> "Kryesia shqiptare do ketë në fokusin e saj bashkëpunimin e metejshëm mes vendeve të rajonit. Ne inkurajojmë respektimin e të drejtave të shipëtarëve .Ne vazhdojmë të mbështesim marrëveshjen e Ohrit,si një busull orientueseë për sigurinë në rajon"-u shpreh më tutje Bushati<br /><br />ARVIZU: NATO DUHET TË PRANOJË ANËTARË TË RINJ KUR ATA TË JENË GATI<br /><br />Nga ana tjetër, në fjalën e ambasadorit Arvizu u theksua nevoja për të garantuar dhe forcuar më tej të drejtat e njeriut, për të luftuar krimin dhe për të vazhduar në forcimin e një jete ligjore parlamentare më të suksseshme.<br /><br />"Ripohojmë përkushtimin tonë të përbashkët për të luftuar korrupsionin dhe krimin dhe për të mbrojtur të drejtat njeriut dhe liritë civile për të gjithë individët në rajon.shba , mbeten palëkundshmërisht të përkushtuara ndaj politikës së dyerve të hapura te NATO-s dhe të mbështetjes së çdo vendi aspirues në shtegun e tij të anëtarsimit në aleancë. Megjithëse axhenda për samitin e NATO-s në 2014 në Wells nuk është përcaktuar ende. deri më tash nuk është marrë asnje vendim nga aleatët se si do të trajtohet politika e dyerve te hapura ne kete samit . SHBA qëndrojnë të patundura pas politikës se dyerve të hapura dhe besojme që mundet dhe duhet të pranojë antarët e rinj kur ata janë gati"- tha Arvizu duke shtuar se "Aleanca mundet dhe duhet të pranojë anët...
