TIRANE- ''Djemtë gazmorë'' titullohet premiera që do të vijë në skenë nga 2 emra të njohur të teatrit dhe kinematografisë shqiptare, si Robert Ndrenika dhe Viktor Zhusti. E sjellë në regjinë e Suljeman Rushitit vepra e shkruar nga autori amerikan Neil Simon do të çelë sezonin artistik këtë të diel, në skenën e Teatrit Eksperimental ''Kujtim Spahivogli'', në Tiranë.<br /> <br />Sipas regjisorit kjo është një dramë psikologjike që analizon thellësinë e shpirtit të dy personazheve, nga ku gërshetohen bashkë humori dhe dhimbja.<br /><br />"Unë e shikoj personalisht si një dramë psikologjike, një dramë që analizon thellësinë e shpirtit të këtyre dy personazheve por dhe personazheve të tjerë të cilët shpesh dhe vazhdimisht bëhen viktima të inateve të këtyre dy personazheve", tha regjisori Sulejman Rushiti.<br /> <br />Ndërsa protagonistët e shfaqjes Ndrenika dhe Zhusti shprehen të emocionuar që do të interpretojnë një nga veprat më të mëdha të skenës botërore.<br /><br />"Ishte një përgjegjësi e madhe sepse është lozur në shumë skena të botës dhe me mjaft sukses dhe kjo na vë përpara përgjegjësisë", u shpreh aktori Robert Ndrenika.<br /> <br />"Është afërsisht mosha ime, janë afërsisht problemet që kalojmë herë pas here në jetën tonë, është ajo që theksoi edhe regjisori shqetësimi, frika, inati, sedra, vetmia të cilët i tremben personazhet, i trembemi dhe ne si njerëz", tha aktori Viktor Zhusti.<br /> <br />Në qendër të komedisë dramatike janë dy aktorë të cilët kanë qenë yje të komedisë amerikane, të njohur ndryshe si "Djemtë gazmorë". Pavarësisht suksesit, ata kanë rreth 12 vjet pa u parë dhe pa punuar me njëri-tjetrin. Rikthimi i tyre në skenë do të shoqërohet me konflikte dhe inate të vjetra.<br /> <br />Kastit të aktorëve do i bashkohen dhe emra të tjerë si: Elia Zaharia, Albana Koçaj Sançolli, Nigda Dako, dhe Genti Deçka.
