TIRANE- Deputetë të mazhorancë por edhe opozitës kanë depozituar në kuvend, një projektligj , nëpërmjet të cilit do konsiderohet vepër penale , pjesëmarrja në luftime jashtë vendit vendit, nga shtetas shqiptar.<br /><br />Drafti që mban firmën e deputetëve socialist, të LSI-së dhe të PDIU-së në opozitë, parashikon që personat që do të marrin pjesë në luftime jashtë shtetit do të denohen nga 3 deri në 8 vjet.<br /><br />Masa më të forta penale nga 5 deri në 10 vjet parashikohen nëse, këto veprime kryen për të rrëzuar rendin kushtetues dhe integritetin territorial të një shteti të huaj. <br /><br />Më të rënda masat penalizuese bëhen për rekrutuesit ose financuesit, që shkojnë nga nga 5 në 15 vjet burg. <br /><br />Sipas hartuesve të këtij projekligji , kjo masë është e bazuar edhe në disa konventa ndërkombëtare, por si masë është aplikuar edhe nga shteti i Kosovës . Ndërsa Kombet e Bashkuara e penalizojnë një aktivitet të tillë , duke e lidhur me mercenarizmin.<br /><br />Kjo nismë pritet të votohet edhe në sallën e kuvendit , si një domosdoshmëri, për pjesëmarrjen e shumë shtetasve shqiptarë në luftën në Siri, ku disa prej tyre kanë humbur dhe jetën . Ajo që bie në sy nuk është firmosja e këtij projektligji nga deputetët e mazhorancës, por edhe nga Tahir Muhedini i PDIU-së.
