Kompania Kroate "Mali Loshinj" do të ndërtojë fabrikë për ujë të ambalazhuar në afërsi të fshatit Gari në Dibër. Nga ky investim me vlerë prej 6 milion euro pritet të hapen rreth 70 punësime pune. Ministri i ekonomisë Valon Saraçini dhe kryetari i komunës së Dibrës Ruzhdi Lata, vizituan sot vendin ku po ndërtohet fabrika. Saraçini shpreson se me këtë investim të rinjtë e Dibrës do ta shohin ardhmërinë e tyre në vendlindje.<br /><br />"Gëzon fakti se punimet rrjedhin sipas planit investues. Nga ajo që dëgjuam nga investitori deri tani janë investuar diku rreth 1 milion e 500 mijë euro. Kjo domethënë se edhe një herë punimet realizohen sipas planit aksionar. Është mirë se deri tani janë angazhuar rreth 15 punëtor të cilët janë duke kryer realizimin e punimeve", deklaroi Valon Saraçini, ministër i ekonomisë.<br /><br />Për kryetarin e Komunës së Dibrës Ruzhdi Lata, ky investim është ringjallje e ekonomisë së rajonit më të gjerë të Dibrës.<br /><br />"Me ndërtimin e kësaj fabrike të ujit, përveç interesave të përgjithshme të qytetarëve në Maqedoni është edhe një interes duhet thënë haptazi i Dibrës, punësimi i të rinjve dibran në këtë fabrikë", tha Ruzhdi Lata, kryetar i komunës së Dibrës.<br /><br /><br />Sipas informatave të kompanisë, deri në fund të muajit maj duhet të hapet konkursi për punësimin e 35 personave kurse në fund të shtatorit do të ketë konkurs për punësim të edhe 35 punëtorëve të tjerë. I gjithë përpunimi dhe ambalazhimi i ujit do të shitet në tregjet e huaja me çka pritet të përmirësohet eksporti si dhe ulet niveli i deficitit tregtar. Ferikan Iljazi
