KIEV- Qeveria Jatseniuk ka marrë sot votëbesimin e parlamentit ukrainas. <br /><br />Jatseniuk, i cili ishte një prej liderëve kryesorë të opozitës gjatë protestave që shpërthyen në nëntor të vitit të kaluar do të udhëheqë vendin deri në zgjedhjet e parakohshme të 25 majit. <br /><br />Kryeministri i ri bëri të ditur se nuk ka ndërmend të kandidojë si president i Ukrainës në zgjedhjet e 25 majit.<br /><br />Mikail Okendovski, kryetar i KQZ-së së Ukrainës tha se zgjedhjet e ardhshme do të kushtojnë 200 milionë dollarë, kjo edhe për shkak të gjendjes së rëndë ekonomike të vendit.<br /><br />Lidhur me këtë çështje, Jatseniuk paralajmëroi nevojën urgjente për të ndërmarrë hapa të papëlqyeshme nga populli në mënyrë që vendi të marrë veten ekonomikisht. Sipas tij, qeveria dhe presidenti i mëparshëm ishin të korruptuar saqë vendi ndodhej në një situatë shumë të vështirë ekonomike.<br /><br />"Jemi në prag të një katastrofe ndaj mirëserdhët në ferr", shtoi ai. <br /><br />Zyrtarët aktualë të qeverisë kanë parashikuar se vendi ka nevojë për 35 miliardë dollarë borxh për të shmangur falimentin gjatë 2 viteve të ardhshme. SHBA kanë ofruar t'i japin Ukrainës një garanci për një borxh deri në 1 miliard dollarë për të ndihmuar në stabilizimin e ekonomisë së saj. Ndërkohë Sekretari amerikan i shtetit Xhon Kerri paralajmëroi ndërkaq Rusinë se do të bënte një gabim të madh të niste ndonjë ndërhyrje ushtarake në Ukrainë.
