TIRANE- Një shpërthim i fuqishëm ka shkatërruar hyrjen e katit të tetë të një pallati në rrugën "Prokop Mima", pranë kompleksit Dinamo në Tiranë. <br /><br />Objekt i sulmit ka qenë banesa e Ermal Kokës, biznesmen i materialeve elektrike tek rruga "Siri Kodra". Nga shpërthimi është lënduar vajza e fqinjit të Ermalit, ndërsa dëmet materiale kanë qenë të shumta. Edhe banesa e fqinjit me nr 37 që ishte në pronësi të shtetasit me inicialet A.P ka pësuar deme.<br /><br />Sipas policisë, dyshohet se shpërthimi ka qenë formë kërcënimi ndaj Kokës, edhe pse ky i fundit nuk ka deklaruar për policinë të ketë qenë objekt presionesh apo gjobëvëniesh. <br /><br />Policia nuk përjashton pistën e problemeve të biznesit të Kokës, apo konkurencës, si motiv për ngjarjen.<br /><br />Shërbimet e Policisë shoqëruan dy persona që gjendeshin në ashensor në momentin e shpërthimit si të dyshuar, por i la më pas të lirë pasi nuk rezultuan të implikuar në ngjarje<br /><br />Materialet proçeduriale iu kaluan Prokurorisë së Rrethit Gjyqësor Tiranë për veprën penale të "Shkaterrimit të pronës me eksploziv", parashikuar nga neni 152 i K.Penal.
