TIRANE- Partia Demokratike nëpërmjet zërit të kryetarit Lulzim Basha ka vendosur se protesta është mjeti i zgjidhjes kundër arrogancës së qeverisjes së vendit. Ai kërkoi edhe anulimin e pasojave të aktit normativ dhe kthimin pa kushte të të larguarve nga administrata.<br /><br />Para deputetëve të grupit PD Kryeopozitari në fjalët e tij tha se protestat e ndodhura kohët e fundit janë fakti, nga i cili opozita nuk mund të shmanget.<br /> <br />"Ka shumë e shumë motive që po ngrenë në këmbë protestuesit por kryefjala e protestave është puna. Qeverisë së shpunësimit dhe papunësimit masiv i ka dalë tepër populli i vet. Kjo është qeveria e shpunësimit masiv të Shqipërisë. Qeveria që ka premtuar 300 mijë vende pune është qeveria që është kampione në papunësimin e të rinjve."-tha Basha.<br /> <br />Sipas demokratit opozita e bashkuar ka vendosur që të kombinojë luftën parlamentare me forcën e protestave duke"ballancuar forcat e zhbalancuara në parlament".<br /><br />TE LARGUARIT NGA ADMINISTRATA TE KTHEHEN PA KUSHTE <br />Basha kërkoi edhe anulimin e pasojave të aktit normativ dhe kthimin pa kushte të të larguarve nga administrata.<br />"Botimi në fletoren zyrtare të vendimit të Gjykatës Kushtetuese është një akt rutinë, një detyrim. Mosbotimi është shkelje dhe e vullnetit të mbrapshtë mbi Kushtetutën dhe ligjin. Dhe botimi nuk nënkupton shprehje e vullnetit të mire. "Ajo që kërkojmë sot dhe do ta kërkojmë me forcë në aulën e Kuvendit dhe në të gjitha foltoret dhe sheshet e Shqipërisë në protestë, është anulimi i pasojave që ka krijuar zbatimi i aktit normativ antikushtetues, kthimin në punë pa kushte i të gjithë burrave dhe grave, të rinjve dhe të rejave që janë hequr arbitrarisht me aktin antikushtetues, kthimin pa kushte të ligjshmërisë të sjelljes së qeverisë ndaj administratës publike", theksoi kreu i PD-së, Basha.
