VLORE- Strukturat e policisë së qarkut Vlorë, sekuestruan në orët e vona të mbrëmjes rreth dy tonë lëndë narkotike të llojit marijuanë. Sipas policisë operacioni i koduar 'Liqeni' u finalizua me sukses në aksin rrugor fshati Kot në drejtim të Vlorës.<br /><br />Lënda narkotike ishte fshehur në një furgon tip 'Iveco' me targa AA961AY, ndërsa policia bën me dije se droga vinte nga Lazarati dhe kishte si destinacion Italinë.<br /><br />Sipas policisë, furgoni me të cilin po transportohej droga ishte me targa falso. Drejtuesi i mjetit ka braktisur furgonin në fshatin Kot dhe është larguar sapo ka kuptuar se po ndiqet nga policia. Forcat e policisë së qarkut Vlorë kanë shoqëruar tre persona të dyshuar në lidhje me këtë ngjarje, ndërsa po punojnë për identifikimin e personave të përfshirë.
