TIRANE- "Nuk kisha gjë personale me Vasilin por e kam goditur si përfaqësues i pushtetit pasi nuk më kanë futur djalin në punë". Kjo ka qenë deklarata e parë që 68-vjeçari, Mustafa Gjyzeli ka dhënë në komisariatin nr 2, ku u shoqërua disa minuta pasi sulmoi me vezë kreun e grupit të LSI-së Petrit Vasili.<br /><br />Incidenti ndodhi para Presidencës rreth orës 13:00 në momentin kur Vasili doli nga dera e presidencës, pas takimit konsultativ të thirrur nga Presidenti Bujar Nishani për emërimin anëtarit të Gjykatës së Lartë.<br /><br />Vasili ndaloi për të dhënë një prononcim për gazetarët kur burri i cili mbante në dorë një pallto sulmoi me vezë Vasilin. <br /><br />Fillimisht veza ra në tokë, por Mustafa Gjyzeli, 68 vjeç shtyu gazetarët duke tentuar ta qëllojë për herë të dytë. Menjëherë ndërhyri garda duke izoluar 68- vjeçarin.<br /> <br />Pas incidentit Vasili i pyetur nga gazetarët tha se nuk e njihte personin, ndërkohë që gazetari ynë Arbër Hitaj mësoi nga vendi i ngjarjes se ky nuk ishte incident i parë. 68 vjeçari e kishte goditur edhe më përpara makinën e Vasilit me vezë. <br /><br />Veza që ra në tokë nuk preku kreun e grupit të LSI-së ndërkohë që garda ndërhyri menjëherë. 68-vjeçari u dërgua në komisariatin nr 2 për tu marrë në pyetje.
