MORIN- Dogana e Kosovës rikthen taksën prej 40 eurosh për kamionët më mallra që vijnë nga Shqipëria.<br /><br />Kjo gjë nuk është pritur mirë nga drejtuesit e firmave shqiptare, të cilët kanë urdhëruar drejtuesit të kamioneve që transportojnë mallra drejt Kosovës të ndalojnë në pikën kufitarë të Morinit.<br /><br />Për këtë arsye në këtë pikë doganore, drejtuesit kamionëve kanë stacionuar mjetet e tyre në radhë duke refuzuar të futen në territorin kosovar, teksa në terminalin e Prizrenit ata duhet të paguajnë edhe taksën e sipërpërmedur.<br /><br />Sipas tyre taksa prej 40 eurosh është ndër më të lartat në Evropë,ndërsa kërkojnë heqjen e saj pasi në të kundërt do përshkallëzojnë protestat.<br /><br />Kjo taksë fillimisht u hoq në shtator të vitit të kaluar pas protestave të shumta të drejtuesve të firmave që kryenin import-eksport mallrash mes dy vendeve, ndërsa këtë të shtunë u mor një vendim për rikthimin saj.
