TIRANË- "Do të vazhdojmë të bëjmë avokatin për Shqipërinë dhe gjëja e rëndësishme për një avokat është që të mos humbim kauzën tonë. Jemi të bindur se do e fitojmë dhe kauzën që Shqipëria të hyjë në BE"- tha Presidenti i Republikës së Italisë Giorgio Napolitano i cili kthehet në Shqipëri pas 17 vitesh.<br /> <br />Pikërisht në kuadër të integrimit Napolitano vlerësoi si të rëndësishme bashkëpunimin mes forcave politike. "Është e rëndësishme që ky bashkim të jetë një kartëvizitë me të cilën Shqipëria të prezantohet në institucionet europiane "- nënvizoi më tej presidenti 89 vjeçar gjatë konferencës së përbashkët për shtyp me presidentin Nishani, e cila u zhvillua sot paradite në Presidencë.<br /> <br />Presidenti italian mbërriti në orët e vona të mbrëmjes së djeshme në Tiranë, ndërsa sot ka takime me homologun e tij shqiptar Bujar Nishani, kryeministrin Edi Rama me të cilët do diskutojë në lidhje me marrëdhëniet shumë të mira mes dy vendeve dhe ngritjen e tyre në një stad akoma më të lartë dhe mbështetjen italiane për integrimin e Shqipërisë në BE.<br /> <br />Në orën 10:00 Presidenti italian Giorgo Napolitano u prit në presidencë nga kreu i shtetit shqiptar, Bujar Nishani, përmes nderimeve ushtarake. Pas takimit kokë më kokë do të ketë dhe një konferencë të përbashkët për median.<br /><br />Në orën 16.45 do të ketë takim me kreun e Kuvendit Ilir Meta, për të qënë pjesë e seancës jashtë radhe të Kuvendit në orën 17.00, ku do të mbajë dhe fjalën e tij.<br /> <br />Ndërkohë që nuk do të ketë takime me krerët e PD, partisë më të madhe opozitare për shkak se dy liderët kryesorë të saj, kryetari demokrat Lulzim Basha dhe ish-kryetari e ish-kryeministri Berisha kanë udhëtuar drejt Irlandës për të marrë pjësë në kongresin e PPE-ve.
