Thirrjet e kreut të VMRO DPMNE-së Nikolla Gruevskit për sigurimin e 63 mandateve për të mos u shantazhuar nga shqiptarët siç thotë ai, ka vetëdijesuar edhe qytetarët shqiptarë. Elektorati shqiptarë kërkon bashkimin e partive shqiptare për të mos lejuar atë që ndodhi në zgjedhjet parlamentare të vitit 2011, kur numri i deputetëve shqiptarë u ul për 4 mandate. <br /><br />"Duhet të bashkohen, nuk duhet të presim, nuk duhet të ketë vonesa. Me të gjitha, të mëdha dhe të vogla, nuk duhet të vonohemi" <br /><br />"Normal që duhet, por interesi i përçan. BDI-ja ose PDSH-ja, në përgjithësi flas, duhet të jenë bashkë. Përndryshe, Gruevski luan si macja me miun"<br /><br />"Duhet me u bashku, sepse kanë me hup shumë deputetë, sikur para 4 vite, 4 deputet i humbën pse u shpërndanë. Nëse bashkohen, i fitojnë 28-29 deputetë"<br /><br />"Shqiptarët për të marra hapa të mëtutjeshëm, duhet të bashkohen sipas mendimit të Rufi Osmanit"<br /><br />"A e shihni çfarë represioni po na bëjnë neve. Për atë duhet partitë shqiptare të bashkohen me një marrëveshje, më unik të jemi"<br /><br />"Ja sot, ja kur", thonë qytetarët.<br /><br />Shqiptarët tashmë kanë disa përvoja të këqija nga shpërndarja e votave në më tepër parti. Një shembull i tillë janë edhe zgjedhjet e fundit parlamentare të vitit 2011, kur numri i deputetëve shqiptarë u ul nga 29 në 25 deputetë. Thirrje për mos shpërndarje të votave shqiptare dhe unifikim në sa më pak lista kanë bërë edhe intelektualë e analistë të ndryshëm shqiptarë ditëve të fundit. Benjamin Arifi
