ELBASAN- Ndonëse duan të kalojnë edhe 10 ditë nga festa pagane e Ditës së Verës, tregtarët ambulantë kanë nisur të shesin nëpër rrugët e qytetit të Elbasanit ëmbëlsirën tradicionale të ballokumes. Në unazën lindore të qytetit ballokumet shiten në anë të rrugës, në mes të pluhurit dhe pa asnjë lloj mbrojtje nga bakteret.<br /> <br />Qytetarët shprehen se ëmbëlsirat nuk shiten në kushte higjienike.<br /> <br />Nga ana tjetër, tregtarët e pranojnë këtë situatë, por thonë se ndihen të rrezikuar nga aksidentet automobilistike, për faktin se aktiviteti i tyre shtrihet buzë rrugës.<br /> <br />Edhe drejtoria e Higjienës pranon se tregtimi i Ballokumes në rrugë bëhet në kushte të papërshtatshme.<br /> <br />Më 14 mars, në kuadër të Ditës së Verës, Elbasani shndërrohet në kryeqendrën e festimeve, me ardhjen e qindra qytetarëve edhe nga rrethe të tjera të vendit.
