TIRANË- Kreu i Partisë Demokratike Lulzim Basha, i cili u ka dalë në krah dhe ka angazhuar deputetët e tij në krye të protestave e furgonëve, është pikërisht ai që në 7 dhjetor të vitit 2005 ka urdhëruar që furgonët taksi 8+1 në kthim të mos marrin pasagjerë.<br /> <br />Është ende e paqartë pse tashmë që PD-ja nuk është në pushtet Basha ka ndryshuar qëndrim dhe të kërkojë të shkelet ligji dhe urdhëresa e lëshuar prej vetë atij dhe furgonët të vijonë të marrë pasagjerë ku të munden duke sjellë një model të konkurrencës së pandershme.<br /> <br />"A1Report" ka siguruar udhëzimin që mban numrin 1382 ku ndryshon pikën 8 të Udhëzimit numër 370 të datës 28.01.2004 "Për modelet e licencave, lejeve, certifikatave dhe autorizimeve për ushtrimin e veprimtarisë në transportin rrugor" dhe pikërisht modelin 108 duke shënuar se "Autoveturat taksi të kthehen bosh në rrethin e origjinës. Në kthim, ato lejojnë të marrin udhëtarë vetëm brenda territorit të rrethit, targën e të cilit mbajnë".<br /> <br />Në atë kohë Lulzim Basha, ministër I Transporteve ka kërkuar edhe hyrjen në fuqi menjëherë të udhëzimit.<br /> <br />Dhe është pikërisht ky udhëzim që Ministria e Transporteve i ka kërkuar policisë rrugore që të zbatojë dhe që ka sjellë irritimin e drejtuesve të furgonëve 8+1, edhe pse në licencat përkatëse e kanë firmosur se do e respektojnë.
