TIRANE- Një vrasje u parandalua orët e fundit prej efektivëve të komisariatit nr 6 në Kashar të kryeqytetit, kur policia mundi të neutralizonte edhe personat që tentuan të kryenin këtë krim të rëndë.<br /> <br />Tri persona tentuan të vrasin badigarditët e një lokali nate, ndërsa ngjarja ndodhi në mesnatë, pasi autorët ishin grindur më parë me badigardët.<br /> <br />Sipas burimeve të policisë, Ylber Garubi, Edmond dhe Florenc Ndoji planifikuan vrasjen.<br /> <br /> Garubi ishte grindur disa netë më parë me badigardin A.D, ndërsa Garubi dhe kushërinjtë Ndonji shkuan të armatosur me kallashnikov. Tri shkodranët thirrën me preteksin e sqarimit badigardin A.D, por bodigardi tjetër me inicialet G.B., konstatoi armën dhe tentoi ndërmjetësimin.<br /> <br />Në këtë moment bodigardi A.D., mundi të formonte në telefon numrin 129 dhe policia që dëgjoi grindjen nëpërmjet telefonit, u vu në lëvizje. Një patrullë u gjend 3 kilometra larg dhe ndërhyri me shpejtësi, teksa mbërritja e policisë solli reagimin dhe përleshjen mes 5 personave. Së fundmi, policia arrestoi dy vëllezërit Ndoji për tentativë vrasjeje si dhe është shpallur në kërkim Ylber Garubi, ndërsa në mjetin tip BMW të Garubit u gjend arma e tipi kallashikov me 2 krehër me fishekë.
