SHKODËR - "Arrest me burg" ka vendosur Gjykata e Shkodrës për Tafë Balilajn, i cili u arrestua pak ditë më parë me një arsenal lëndësh plasëse tritol dhe armësh. Seanca është zhvilluar ditën e sotme ndërsa, avokati mbrojtës i 75-vjeçarit Balilaj ka kërkuar që klientit të tij ti bëhet një vlerësim psikik pasi në vitin 1958 ai ishte liruar nga ushtria për probleme mendore.<br /> <br />Gjatë seancës, prokuroria kërkoi masën e sigurisë arrest me burg për 75-vjeçarin Tafë Balilaj, pasi në banesën e tij u sekuestruan 238 kallëpe tritoli, qindra metra fitil dhe kapsolla detonatorë.<br /> <br />Ndërkaq gjatë seancës, avokati e ka cilësuar të paligjshëm arrestimin e 75-vjeçarit duke kërkuar edhe që ai të shtrohet në spital psikiatrik për verifikim të gjendjes së tij psikike<br /> <br />"Në vitin 1958 ai është liruar nga ushtria pasi ka shfaqur probleme mendore dhe epilepsi", mësohet se ka thënë avokati mbrojtës i Tafë Balilajt.<br /> <br />Ndërkaq, vetë i pandehuri në sallën e gjyqit ka thënë se, tritolin e kishte përdorur për të hapur rrugë në fshat. Dëshmitarë të ndryshëm kanë thënë se, ai ka hapur dy rrugë të fshatit si dhe ka pastruar fushat e fshatrave nga masivet e gurëve që kishin rënë.
