VLORË- Subjektet tregtare në markatën e qytetit të Vlorës që ushtrojnë aktivitetin tyre jashtë kushteve hijeno-sanitare, kanë qenë objekt i kontrolleve të Autoritetit Kombëtar të Ushqimit në këtë rreth.<br /><br />Drejtori i AKU-së për qytetin bregdetar, Renato Banushaj, bën një rezyme të bilancit këtyre aksioneve.<br /> <br />"Deri tani janë marrë një sërë masash, ka patur gjoba duke filluar që nga 10 mijë lekë të reja deri në 2 milonë për mosrealizim detyrash. Aktualisht jemi në një inspektim, po procedojmë për mbylljen apo pezullimin e një aktiviteti në qytetin e Vlorës", tregon drejtori i AKU-së, Renato Banushaj<br /><br />Ndërkohe lidhur me shkurtimet në administratën e institucionit që ai drejton, Banushaj ka një përgjigje.<br /><br />"Kemi pas shkurtime, kryesish kur vendi i punës apo diplomimi nuk përputhej me pozicionin e punës. Janë kapur edhe me shkelje kur gjendja e aktuale e subjekteve ka qenë shumë ndryshe ajo që kanë paraqitur inspektorët",- thotë ai.<br /> <br />Kreu i AKU-së në qytetin bregdetar u shpreh se aksionit ne tregjet dhe dyqanet e qytetit bregdetar do vijojnë edhe në ditët e ardhshme.
