TIRANE - Kompania çeke "Cez" vazhdon të kërkojë shifra të larta nga shteti shqiptar, si dëmshpërblim për prishjen e njëanshme të kontratës nga ish-qeveria Berisha në fillim të vitit 2013. Mësohet se edhe negociatat e fundit për të zgjidhur këtë ngec kanë dështuar, në një kohë që procesi është future në arbitrazh ndërkombëtar.<br /> <br />Mësohet se në fund të muajit shkurt, ka patur një tjetër takim mes palëve, por kushtet e vendosura nga kompania CEZ kanë bërë që të mos ketë zgjidhje.<br /><br />Burime nga qeveria thanë për "A1 Report", se në tavolinën e bisedimeve CEZ ka kërkuar 200 milionë euro. Shifër kjo e vlerësuar si e papranueshme dhe shumë e ekzagjeruar nga pala shqiptare. Por moszgjidhja e situatës, sjell shumë rreziqe për sektorin energjetik.<br /> <br />Sipas të njëjtave burime, mësohet se zgjidhja me kompaninë ceke "CEZ", rrezikon ndihmën e bankës botërore për sektorin energjetik shqiptar , të zhytur në borxhe.<br /><br />Zyrtarët e kompanisë energjetike çeke "CEZ AS", deklaruan se janë të hapur për bisedime me palën shqiptare për të shmangur Arbitrazhin Ndërkombëtar, pasi Enti Rregullator iu hoqi licencën dhe konfiskoi asetet 1 vit më parë.<br /> <br />Kompania Ceke ka sqaruar se do merret në konsideratë tërheqja nga Arbitrazhi, nëse të dy palët arrijnë një marrëveshje për kompensimin e dëmeve të shkaktuara ndaj kompanisë.<br /><br />Çekët privatizuan shpërndarjen e energjisë në Shqipëri në vitin 2009 me një vlerë prej 102 milionë euro, ndërsa deklarojnë se kanë investuar 100 milionë.<br /> <br />Ministri i Energjisë, Damian Gjiknuri, ka deklaruar disa kohe më parë se, nisja e procedurave në Arbitrazhin Ndërkombëtar do të kishte një kosto të rëndë për vendin, duke u shprehur për një zgjidhje përmes bisedimeve mes palëve, për të shmangur këto kosto.
