LEZHË- Logjistika që disponon reparti zjarrfikës në Lezhë dhe mjetet e amortizuara nuk i përgjigjet kërkesave të kohës.<br /><br />Shqetësimi është ngritur nga shefi i policisë së mbrojtjes nga zjarri dhe shpëtimi në qarkun e Lezhës Agustin Pepkolaj.<br /><br />Sipas tij, në këto kushte operacionet e shuarjeve të zjarreve bëhet më i vështirësi.<br /><br />"Logjistika jonë të cilën ne e trashëgojmë është një logjistikë tejet e amortizuar, është një logjistikë e cila vitet e prodhimit të makinave variojnë që nga vitit 1983, 1984, '93, '94 dhe 1999, vite të cilat nuk kanë atë funksionin për t'iu përgjigjur korrektësisht kohërave të sotme.<br /><br />Plus kësaj, makineritë që ne disponojmë janë me shkallë deri në 14 metra lartësi, gjë e cila e bën të pamundur realizimin e shumë operacioneve të cilat kanë të bëjnë me pallate me 4 kate. Tani flitet për një Lezhë që kthehet në metropol, ku ka ndërtesa dhe pallate që shkojnë deri në 15 deri në 20 kate", tregon Agustin Peplokaj, shef i PMNZSH-se Lezhë.<br /><br />Një tjetër problem që vështirëson punën e zjarrfikësve është se shumica e institucioneve shtetërore në Lezhë përfshirë çerdhe, kopshte e shkolla nuk kanë një kënd të mbrojtjes nga zjarri, duke i bërë ato të cenueshme në raste të vatrave të zjarrit.
