TIRANË- Qeveria ka bërë disa ndryshme në Ligjin për Nëpunësin Civil ku përcakton qartë disa kritere. Këshilli i Ministrave në mbledhjen e sotme ka bërë të qarta proceduarat për rekrutimin e personave që dëshirojnë të punësohenë në administratën shtetërore, rritjes së tyre në detyrë, shkollimin që duhet të zotërojnë etj.<br /><br />"Ky vendim rregullon procedurën e rekrutimit, të emërimit dhe periudhën e provës për nëpunësit civilë të kategorisë ekzekutive, si dhe procedurën e lëvizjes paralele e të ngritjes në detyrë", thuhet në vendimin e Këshillit të Ministrave. <br /><br />Për rekrutimin në administratën shtetërore, çdo procedurë do të jetë e publikuar për të interesuarit në portalin "Shërbimi Kombëtar i Punësimit" dhe faqen zyrtare të DAP-it dhe qëndron e publikuar deri në përfundimin e procedurës së pranimit dhe çdo informacion tjetër që ka të bëjë me lëvizjen paralele dhe ngritjen në shkallët më të larta.<br /><br />Pranimet në administratë do të bëhen në bazë të një konkursi, që do të zhvillohet në dy faza. Faza e parë ka të bëje me njohjen e aftësisë se kandidatit dhe faza e dytë me vlerësimin e tij.<br /> <br />Pranimi për punësim në administratë do të bëhet në dy faza. Faza e parë që do të jetë ajo e provës do të zgjasë deri në 1 vit. Në rast se prova për 6 muaj nuk rezulton e suksesshme dhe pastaj do të ndiqen të tjara proceduara për të punësuar kandidatin që ka aplikuar për t'u punësuar në administratën shtetërore.<br /><br />PRANIMI NË SHËRBIMIN CIVIL<br /> <br />1.Procedura e pranimit në shërbimin civil organizohet vetëm për kategorinë ekzekutive. Kjo procedurë organizohet në mënyrë të ndarë për grupin e pozicioneve të administrimit të përgjithshëm dhe për çdo grup të pozicioneve të administrimit të posaçëm.<br />2. DAP-i organizon procedurën e pranimit për të gjitha pozicionet e kategorisë ekzekutive për administratën shtetërore, ndërsa njësitë përgjegjëse në institucionet e pavarura/njësitë e qeverisjes vendore organizojnë procedurën për institucionet respektive.<br /> 3. Bazuar në planin vjetor të pranimit, njësia përgjegjëse njofton procedurën e pranimit për çdo grup, duke bërë të njohur edhe planin e zhvillimit të procedurës për secilin grup, jo më vonë se një muaj pas miratimit të këtij plani nga organet përgjegjëse, ose gjatë vitit kur shfaqet e nevojshme si rezultat i krijimit të vendeve vakante në mënyrë të paparashikuar. <br />4. Për institucionet e administratës shtetërore, shpallja e procedurës së pranimit për secilin grup publikohet në portalin "Shërbimi Kombëtar i Punësimit" dhe faqen zyrtare të DAP-it dhe qëndron e publikuar deri në përfundimin e procedurës së pranimit.<br />5. Institucionet e pavarura dhe njësitë e qeverisjes vendore bëjnë shpalljen e procedurës së pranimit për secilin grup në portalin "Shërbimi Kombëtar i Punësimit" dhe në stendat e informimit të publikut. <br />6. Institucionet, përveç mënyrave detyruese të shpalljeve të përcaktuara në pikat 4 dhe 5, të këtij vendimi, mund të përdorin si mënyra alternative të shpalljes së konkurrimit faqen e internetit të institucionit, si dhe ...
